GEERIDII BEENOWDAY; Qiso Cajiih ah kuna saabsan wanaaga ay leedahay xiriirinta qaraabada!!

0
371

In qaraabada la xiriiriyo waa mid kamid ah waajibaadka diiniga ee nala faray, waayo qofka qaraabada xiriiriya wuxuu xiriiriyay Allaah qofkii gooyayna wuxuu gooyay Allaa.

Hadaba qisadaan yar bal nala akhriso;

Taabicigii weynaa ee Saciid binul-Musayib ayaa lagu yiri maalin; Waxaa maanta geeriyooday Ibraahim Bin Dhalxa.

Markaas ayuu yiri; qaab noocee ayuu u geeriyooday?

Waxay dhahee; Qasrigiisa baa kusoo dumay asigoo ku dhex jira.

Markaa ayuu Saciid yiri; Suurogal ma ahan midaas, Allaah wuu diiday in dadka asiga oo kale qaab ceynkaa u geeriyoodaan.

Dadkii markii ay hadalkaa maqleen ayay waxay bilaabeen in qasrigii soo dumay faagaan misna burburkii meesha ka saaraan, sidii ay u qodayeen bey waxay arkeen Ibraahim Bin Dhalxa oo nool misna qasriga hoostiisa ku jiray kaasoo inuu dhintay iskaba daayee jab iyo garaafo midkoodna soo gaarin.

Markaa bey dadkii waxay u yimaadeen saciid Bunul-Museyib waxayna ku yiraahdeen sidee ku ogaatay inuusan burburka hoostiisa ku dhiman?

Saciid ayaa markaa ugu jawaabay; waayo qofka qaraabada xiriiriya dhimashada xun waa laga ilaaliyaa.

Marka asxaabeey halagu dadaalo xiriirinta qaraabada.

LEAVE A REPLY

Please enter your comment!
Please enter your name here