16-Jilaa Oo Bollywood-ka Ka Tirsan Kuwaas Oo Filimkooda Kowaad Door Caawiye Ah Ku Mataleen Qaybta 2-aad (+Sawiro)

Bollywood waa shirkada ayuu qof kastoo oo fanka jecel rabo inuu ku biiro sidoo kalena heer sare ka gaaro, hadaba jilaa kasto si riyadiisa ugu rumowdo marxalad kala duwan oo adag ayuu usoo maray.

Jilaayaasha qaar ee waalidiinta caanka ah garab ka heestaan waxaa u suura gashay inay si awood ku dheehan fanka kusoo galaan ayagoo filimo kala duwan hogaamiyaal looga dhigay.

Hadaba waxaan sii amba qaadi doonaa maqaalkeena waxaana maanta idiin heynaa qaybta 2-aad oo aan kusoo qaadan doono qaar ka mid ah 16-jilaa oo Bollywood-ka ugu caansan kuwooda filimkoodii kowaad door caawiye ah ama door yar ku yeesheen:

Katrina Kaif (Boom):

Maanta waa atirisho awood badan, laakiin shalay door aad u liito ayay ku bilaabatay, madaama filimkii Boom door caawiye xitaa ka yar laga siiyay.

Waxay jeceshahay inaan dib loo xasuusinin filimkeedii kowaad Boom doorkii liitay oo ay ku laheyd xidigtaan quruxda badan!

Shraddha Kapoor (Teen Patti):

xidigtaan filimkeedii kowaad wuxuu ahaa mid ay door caawiye ku laheyd sidoo kalena jilaayaal fara badan wax ka jileen.

Kadib filimkii Love Ka The End ayay atirisho kowaad ka noqotay laakiin waxay aqoonsi caalami ah ku yeshay filimkii Aashique 2 ee Blockbuster-ka weyn noqday.

Priyanka Chopra (The Hero : Love Story Of A Spy):

Sanadii 2003 ayay xidigtaan Sunny Deol filimkiisii door caawiye ah ku yeelatay.

Balse isla sanadkaas ayay filimkii Andaaz ee Akshay Kumar la sameesay ayay door weyn ku yeelatay sidoo kalena ku heshay aqoonsi caalami ah.

Shah Rukh Khan (Deewana):

SRK wuxuu caan ku noqday awoodna ku yeeshay filimkii Baazigar balse wuxuu atoore labaad ka ahaa filimkii Deewana ee uu hogaamiye ka ahaa Rishi Kapoor lana daawaday sanadii 1992.

SRK wuxuu jaceyl u qaadaa filimkaan Divya Bharti oo loo heesto inuu ka geeriyooday Rishi Kapoor balse markii dambe gadaal kasoo baxaayo.